Ismaël Mwanafunzi na Mahoro bamaze gusezerana mu mategeko

Ismaël Mwanafunzi wamamaye cyane kubera ijwi rye ryiza ndetse n’ibiganiro byuje ubuhanga akora, yamaze gusezerana mu mategeko n’umukunzi we Mahoro Claudine nawe w’umunyamakuru wakoreye ibitangazamakuru birimo Isango Star na Radio& TV10.

Aba bombi basezeraniye mu Karere ka Kamonyi murenge wa Gacurabwenge, mu Ntara y’Amajyepfo.

Biteganyijwe ko ibindi birori bisigaye bya Ismael Mwanafunzi na Mahoro nabyo bizabera mu Ntara y’Amajyepfo ku itariki ya 1 Nyakanga 2023.

Gusaba no gukwa bizabera mu Busitani bwa Musée Ethnographique I Huye, naho gusezerana imbere y’Imana bibere muri Cathedrale ya Butare. Ibirori byo kwakira abatumiwe bizabera nanone mu Busitani bwa Musée Ethnographique I Huye.

Ismael Mwanafunzi wamamaye cyane kubera ibiganiro by’ibyegeranyo akora, nyuma yo kunyura mu bitangazamakuru binyuranye, kuri ubu ni umukozi w’Ikigo cy’Igihugu cy’Itangazamakuru, RBA.

Mahoro ugiye kurushinga na Ismael Mawanafunzi, aherutse gukorerwa ibirori byo gusezera ku bukumi bizwi nka “Bridal shower” byabaye kuwa 17 Kamena 2023 mu rugo kwa mukuru we I Masaka.